სამშაბათი, 19 მარტი, 2024
| | | |
 
კულტურა
მუზეუმები
გალერეები
თეატრები
კინოთეატრები
ატრაქციონები
გამოფენები
პანთეონები
საკონცერტო დარბაზები

მომსახურება
ბანკები
თარჯიმნები
საკონფერენციო დარბაზები
დღესასწაულების მოწყობა
დაზღვევა
განათლება
ნოტარიუსები
დასაქმება
კომუნიკაცია
უძრავი ქონება
მედია
მედიცინა
ექსპრეს ფოსტა
სპორტი
ტურ - კომპანიები
სხვა

საქართველოს შესახებ


სახელწოდება:
საქართველო

ფართობი: 69700 კვ. კმ

მოსახლეობა:
4 452 100


მოსახლეობის სიმჭიდროვე:
75.6 1 კვ. კმ-ზე

დედაქალაქი:
თბილისი, მოსახლეობა 1, 225, 000

დიდი ქალაქები:
ქუთაისი, ბათუმი, ზუგდიდი, რუსთავი

 

სახელმწიფო დროშა
State Flag

სახელმწიფო გერბი
State Emblem

გეოგრაფია
საქართველო მთიანი ქვეყანაა, რომელსაც ჩრდილოეთიდან რუსეთი ესაზღვრება, სამხრეთ-დასავლეთით - თურქეთი, სამხრეთით -სომხეთი, სამხრეთ-აღმოსავლეთიდან აზერბაიჯანი და დასავლეთით შავი ზღვა, რომელიც 330 კმ სიგრძის სანაპირო ზოლს წარმოშობს.

კლიმატი:
მიუხედავად ტერიტორიული სიმცირისა, საქართველოში, ნოტიო სუბტროპიკულით დაწყებული დათოვლილი მყინვარებით დამთავრებული, თითქმის ყველა კლიმატური ზონაა წარმოდგენილი.

ენა:
ოფიციალრი ენა არის ქართული. იგი მიეკუთვნება იბერია-კავკასიური ენების ქართველურ ჯგუფს და ერთადერთი ენაა ამ ოჯახში, რომელმაც უძველესი ხელწერა შეინარჩუნა.
მსოფლიოში არსებული 14 დამწერლობიდან ერთ-ერთი ქართულია. მხედრული, თანaმედროვე ქართული ხელწერა 33 ასოსაგან შედგება, მათ შორის 5 ხმოვანი და 28 თანხმოვნისაგან. იგი მარცხნიდან მარჯვნივ იწერება.
რელიგია: მოსახლოების უმრავლესობა მართლმადიდებელი ქრისტიანია. თუმცა, არიან კათოლიკები, მუსულმანები, ებრაელები და სხვანი.

დრო: თბილისი იმყოფება მესამე სასაათო სარტყელში.

ელექტროენერგია: 220 ვოლტი AC, 50Hz.

მობილური ტელეფონი: GSM 900 და 1800. ძირითადი ოპერატორებია: ჯეოსელი - www.geocell.com.ge, მაგთი - www.magtigsm.com და ბილაინი www.beeline.ge

სატელეფონო კოდები:
ქვეყნის კოდი: +995
თბილისის კოდი: 32

სახალხო დღესასწაულებია: 1 იანვარი - ახალი წელი, 7 იანვარი - მართლმადიდებლური შობა, 19 იანვარი - ნათლისღება, 3 მარტი - დედის დღე, 4 აპრილი - მართლმადიდებლური აღდგომა, 26 მაისი - დამოუკიდებლობის დღე, 28 აგვისტო - მარიამობა, 14 ოქტომბერი - სვეტიცხოვლობა, ოქტომბრის უკანასკნელი შაბათ-კვირა - თბილისობა, 23 ნოემბერი - გიორგობა.

ვალუტა: საქართველოს ეროვნული ვალუტაა - ლარი. იგი 100 თეთრისაგან შედგება.
”ლარი” - ტერმინი რომელიც საქართველოს ძირითად ფულად ერთეულისათვისაა არჩეული ძველ-ქართული სიტყვაა და განძს, ქონებას ნიშნავს. ხოლო ”თეთრი”, რომელიც ლარის 1 მეასედს შეადგენს ძველი ქართული ფულადი ტერმინია, რომელიც მე-13 საუკუნიდან გამოიყენებოდა.

საქართველოში მიმოქცევაში იმყოფება 1, 2, 5, 10, 20, 50, 100 და 200 ლარის ღირებულების ბანკნოტები და 1, 2, 5, 10, 20 და 50 თეთრის და 1 და 2 ლარის ღირებულების მონეტები.
საქართველოს ტერიტორიაზე ყველა გადახდა ხორციელდება ლარში.

ვალუტის გაცვლა:
აშშ დოლარი, ევრო და რუბლი შეიძლება გადაიცვალოს ბანკში და სპეციალურ გაცვლის პუნქტებში, მაშინ როდესაც სხვა ვალუტები მხოლოდ ბანკებში იცვლება.

ისტორია

ზოგიერთი მიიჩნევს, რომ საქართველო ევროპის ნაწილია, სხვანი მას აზიას მიაკუთვნებენ. თუმცა, უნდა აღინიშნოს, რომ იგი უხსოვარი დროიდან წარმოადგენს კულტურული და გეოგრაფიული დავების ცხელ წერტილს. ადგილობრივ ამინდსა და ლანდშაფტს გააჩნია, როგორც დასავლეთის ისე აღმოსავლეთისათვის დამახასიათებელი ნიშნები. ქვეყნის ისტორია მოითვლის უამრავ დაცემასა და აღორძინებას, გარეშე მტრის შემოჭრას, ძალადობასა და ბრძოლებს. ამასთან ერთად, ქვეყანას გააჩნია უზარმაზარი კულტურული მემკვიდრეობა.

საქართველოს კარი მუდმივად ღიაა სტუმრებისათვის.

საქართველო ევროპისა და აზიის გასაყარზე მდებარეობს, რამაც მრავალმხრივი და ტოლერანტული კულტურის ჩამოყალიბებას შეუწყო ხელი. ძველი ქართული ლეგენდის მიხედვით, როდესაც ღმერთი მსოფლიო ხალხებს მიწებს უნაწილებდა, ქართველები ტრადიციული სუფრის გამო შეყოვდნენ. როდესაც ღმერთთან მივიდნენ, მას უკვე ყველა მიწა დაერიგებინა. ქართველებმა თავი იმით იმართლეს, რომ ისინი ღმრთის ჯანმრთელობის სადღეგრძელოს სვამდნენ და სუფრაზე მიიპატიჟეს იგი. ღმერთმა იმდენად კარგი დრო გაატარა, რომ გადაწყვიტა ქართველები დაესაჩუქრებინა მიწით, რომელიც თავისთვის ჰქონდა გადანახული. მართლაც, საქართველო სამოთხესავით მშვენიერი ქვეყანაა. მისი მრავალფეროვანი ლანდშაფტის წყალობით, რომელიც ზღვისპირეთიდან დათოვლილ მთებაბმდე მერყეობს, საშუალება გაქვთ განიცადოთ წელიწადის ოთხივე სეზონი ერთსა და იმავე დროს.

მიიჩნევა, რომ თანამედროვე ქართველების წინაპრებმა კავკასიის რეგიონში შექმნეს პირველი ტომები ქრისტეს შობამდე 2000 წლით ადრე. კოლხიდას სამეფო, რომელიც ქრისტეს შობამდე 6 საუკუნეში შეიქმნა არაერთხელაა ნახსენები ჰომერის პოემებსა და ტრადიციულ ბერძნულ მითოლოგიაში.
ორი საუკუნის შემდგომ, ლეგენდარულმა მეფე ფარნავაზმა შექმნა იბერიის სამეფო, რომელიც ამჟამინდელ აღმოსავლეთ საქართველოს წარმოადგენს.
კოლხიდა და იბერია დაპყრობილ იქნენ ჯერ საბერძნეთის შემდეგ რომის მიერ ქრისტეს შობაბმდე 1 საუკუნეში. 337 წელს, იბერიის მეფე მირიანმა მიიღო ქრისტიანობა და ქვეყნის ოფიციალურ რელიგიად აქცია იგი. სომხური ეკლესიის მსგავსად, ქართულიც გამოეყო რომს 506 წელს და დაარსა ქართული ეკლესია, რომლის ცენტრი თბილისი გახდა.
პატარა ქალაქიდან თბილისი იბერიის დედაქალაქად იქცა. მე-8, მე-9 საუკუნეებში განხორციელებული უნიფიკაციის შედეგად კი თბილისი უკვე მთლიანი საქართველოს დედაქალაქი იყო. ორივე სამეფო ირანის, შემდეგ ბიზანტიის და ბოლოს არაბეთის მმართველობის ქვეშ იმყოფებოდა მე-6 - მე-10 საუკუნეების განმავლობაში. ფეოდალური საქართველო აყვავდა მეფე დავით აღმაშენებლის(1089-1125) და თამარ მეფის (1184-1213) მეფობის პერიოდებში.

მე-13 -მე-14 საუკუნეებში საქართველოში თათრები და თემურ ლენგი შემოიჭრნენ. მე-15 საუკუნეში იგი პატარა სამეფოებად დაიშალა და თურქეთსა და ირანს შორის მე - 16-მე-18 საუკუნეებში მუდმივი ტერიტორიული დავის საგნად იქცა. ამ პერიოდებში ურიცხვ ანტი-თურქულ და ანტი-ირანულ აჯანყებებს ჰქონდა ადგილი.

1783 წელს ერეკლე II იძულებული გახდა რუსეთის იმპერატორ ეკატერინე II-სთან დაედო ხელშეკრულება(გეორგიევსკის ტრაქტატი), რომლის მიხედვითაც რუსეთს საქართველოს დიდი მხარეები, ქართლი და კახეთი რუსეთის პროტექტორატის ქვეშ უნდა ყოფილიყო.
1801 წელს რუსეთმა დაარღვია ხელშეკრულება და დასავლეთ საქართველოც დაიპყრო. იქიდან მოყოლებული ქართველი ხალხი დამოუკიდებლობისთვის იბრძოდა. 1917 წელს რუსეთის ოქტომბრის სოციალისტური რევოლუციის შემდეგ საქართველოს ხელისუფლებაში ”მენშევიკები” მოვიდნენ. ისინი 1921 წლამდე მართავდნენ ქვეყანას. შემდეგ საქართველო კვლავ საბჭოთა არმიამ დაიკავა და ”მენშევიკები” იძულებულნი გახდნენ საზღვარგარეთ გაქცეულიყვნენ.

1922 წელს საქართველო საბჭოთა კავშირის შემადგენლობაში შევიდა. ამიერიდან იგი ძლევამოსილი სახელმწიფოს შემადგენლობაში მყოფ 15 რესპუბლიკათაგან ერთ-ერთი იყო.
ასე გრძელდებოდა 1985 წლამდე, როდესაც საბჭოთა კავშირის ლიდერის მიხაილ გორბაჩოვის მიერ ”პერესტროიკა” გამოცხადდა.
1991 წელს საქართველოს მოსახლეობამ პრეზიდენტად ზვიად გამსახურდია აირჩია და საქართველოს ახალი კონსტიტუციაც მიღებულ იქნა. თუმცა, გამსახურდიას პრეზიდენტობამ დიდ ხანს არ გასტანა, რადგან ოპოზიციური ძალების მიერ იგი საქართველოდან გაძევებულ იქნა.
1992 წელს საქართველოს არჩეული პრეზიდენტი შევარდნაძე გახდა. 2000 წელს კი იგი მეორე ვადით აირჩიეს.
2003 წლის ნოემბერში საპარლამენტო არჩევნები გაყალბებულ იქნა, რამაც მასობრივი პროტესტი და ქუჩის გამოსვლები გამოიწვია. 2003 წლის ნოემბერში შევარდნაძე თანამდებობიდან გადადგა. აღნიშნულ მოვლენას ”ვარდების რევოლუცია” ეწოდა.
საპრეზიდენტო არჩევნების ახალ თარიღად გამოცხადდა 4 იანვარი. მოსახლეობის უმეტესობამ ხმა მიხეილ სააკაშვილის სასარგებლოდ მისცა, რომელიც ამჟამადაც საქართველოს პრეზიდენტს წარმოადგენს.