05.04.2011 საქართველოში რადიაციული ფონი ნორმის ფარგლებშია. გარემოს დაცვის სამინისტროს რადიაციული უსაფრთხოების სპეციალისტებმა იაპონიიდან შემოყვანილ ავტომანქანებზე უახლესი ტიპის დეტექტორებით რადიაციული ფონი შეამოწმეს.სამინისტროს ინფორმაციით, საქართველო არის რეგიონის ცენტრი, საიდანაც მთელი შუა აზიის ქვეყნები ავტომანქანებით მარაგდება. საექსპორტო მანქანების ძირითადი ნაწილი კი სწორედ იაპონიიდან შემოდის, რის გამოც საქართველოში გამკაცრებულია იმ ტვირთების რადიაციული ფონის კონტროლი, რომლებიც ქვეყანაში საჰაერო და საზღვაო გზით იაპონიიდან შემოდის. ამდენად, გარემოს ეროვნული სააგენტოს სპეციალისტების მიერ ჰაერის დაბინძურების ხარისხის მონიტორინგი განსაკუთრებულ რეჟიმში ხდება. ამ ეტაპზე, საქართველოში იაპონიიდან შემოსულ ავტომანქანებზე მომატებული რადიაციული ფონი არ დაფიქსირებულა.ჰაერში გამა გამოსხივების დონის გაზომვა ყოველდღიურად საქართველოს ტერიტორიაზე არსებული 13 მეტეოსადგურის მიერ სპეციალური ხელსაწყოებით ხორციელდება.
გარემოს დაცვის სამინისტროს ეროვნული საგენტოს სპეციალისტები რადიაციული ფონის და ჰაერის დაბინძურების ხარისხის რეგულარულ შემოწმებას მომავალშიც გააგრძელებენ.
სიახლე 