ტერმინი ”ევროპული სამზარეულოს” ქვეშ იგულისხმება დასავლეთ ევროპის ქვეყნების ხალხების მიერ დამზადებული კერძები.
ძირითადი საკვების სახით გამოიყენება შემწვარი ან გამომცხვარი ძროხის ხორცი (ანტრეკოტი, ბიფშტექსი, როსტბიფი, შნიცელი, ესკალოპი), რომელსაც ალკოჰოლურ სასმელს აყოლებენ (გერმანული ხალხები ლუდს სვამენ, რომანული კი - ღვინოს). ალკოჰოლს, რომელსაც საკვების წინ სვამენ აპერეტივს უწოდებენ. ბოსტნეულსა და ცომეულს ( კარტოფილი, მაკარონი, ვერმიშელი), რომელსაც ხორცთან ერთად მიართმევენ - გარნირს. ევროპელები ხშირად შეექცევიან კვერცხს ერბო-კვერცხის თუ ომლეტის სახით და სხვადასახვარ დესერტებშიც იყენებენ მას (ბეზე, ბისკვიტი, პუდინგი, ტორტი). წახემსებისას გამოიყენება პური, რომელსაც ლორთან ან ხილის ჯემთან ერთად მიირთმევენ (ბუტერბროდი).
განსაკუთრებულ მწვერვალებს ევროპულმა სამზარეულომ სამეფო კარზე მომუშავე ფრანგი კულინარების მეშვეობით მიაღწია, როდესაც მათ სხვდასხვაგვარი სუპები და სალათები გამოიგონეს.
