ფრანგული სამზარეულო ძალიან მრავალფეროვანია, რაც განპირობებულია ფრანგების სიყვარულით ყველანაირი სახის კარგი და გემრიელი საკვების მიმართ. ასევე, არც-თუ ნაკლებად მნიშვენლოვან როლს თამაშობს საფრანგეთის გეოგრაფიული და კლიმატური მრავალფეროვნება, რაც, ფაქტობრივად, ყველანაირი ინგრედიენტის მოყვანის საშუალებას იძლევა.
ფრანგული სადილი ვარირებს ყველაზე მარტივი და ტრადიციულიდან რთულ და კომპლექსურამდე, რომლის მირთმევასაც, შესაძლოა, რამოდენიმე საათი დასჭირდეს.
ბევრი უცხოელს მცდარი წარმოდგენა აქვს ფრანგულ სამზარეულოზე. ისინი თვლიან, რომ კერძები ძალიან მძიმე და გართულებულია. სინამდვილეში, ფრანგულ კერძთა უმეტესობა საკმაოდ მარტივია და მათი გემო უმეტესად, მაღალი ხარისხის ინგრედიენტებსა და მომზადების პროცესში ჩაქსოვილ სიყვარულზეა დამოკიდებული და არა რთულ რეცეპტებზე.
