საბერძნეთში სამზარეულო ოდითგანვე ნამდვილი ფილოსოფია იყო. კერძები ყოველთვის სავარაუდო სტუმრების გათვალისწინებით მზადდება, ხოლო ღვინო საგანგებოდ ირჩევა.
თანამედროვე ბერძნული სამზარეულო ყველაზე ახლოს იტალიის, ბალკანეთის, თურქეთისა და ლევანტის სამზარეულოებთან დგას. ბერძნები ხშირად გამოიყენებენ ზეითუნის ზეთს, ბოსტნეულსა და მცენარეულობას, ხორბალსა და პურს, ღვინოს, თევზს და სხვადასხვა ხორცეულს, მათ შორის ფრინველს, კურდღელსა და ღორს. ასევე ძალიან მნიშვენელოვანია ზეთისხილი, ყველი, ბადრიჯანი, ცუკინი და იოგურტი. ბერძნული დესერტები ნიგვზისა და თაფლის სიმრავლით გამოირჩევა.
უგერმრიელეს ბერძნულ კერძებს შორისაა:
- სულვაკი ( მზადდება ღორის ხორცის, ცაციკის, პომიდვრისა და ნივრისაგან)
- მუსაკასი ( ბადრიჯანი, კარტოფილი, ხორცის ფარში და ბესამელის სოუსი)
- პასტიციო ( მაკარონი, ხორცის ფარში, ყველი და ბესამელის სოუსი)
- სკორდალია ( კარტოფილი, ხახვი, ლიმნის წვენი და ზეთის ხილი)
- ცაციკი (იოგურტი, კიტრი, ხახვი, ძმარი და ზეითუნის ზეთი)
- ტერამისულატა (ვირთევზას ხიზილალა, კარტოფილი, ლიმნის წვენი და ზეითუნის ზეთი)
- ფარშირებული ბოსტნეული ( პომიდორი, შავი წიწაკა, ბრინჯით ფარშირებული ყაბახი)
- დოლმადეს ( ბრინჯით ფარშირებული ვაზის ფოთლები)
- ბერძნული სალათი ( პომიდორი, კიტრი, შავი წიწაკა, ნიორი, ფეტა-ყველი, ზეთისხილი, ორეგანი და ზეითუნის ზეთი)
ბერძნული სამზარეულო იმხელა მრავალფეროვნებით გამოირჩევა, რომ ყოველთვის შეძლებთ რაიმე ახალისა და განსხვავებულის გასინჯვას. მითუმეტეს, რომ საბერძნეთის თითოეულ რეგიონს თავისი, უნიკალური კერძები გააჩნია.
