ირლანდია ცნობილია თავისი სიმწვანით, რაც შესანიშნავ პირობებს ქმნის მოსავლის მოყვანისა და შინაური ცხოველებისთვის. ტადიციული ირლანდიური საკვები ჯანსაღი და სასარგებლოა. ხშირად იქაური რეცეპტები ძალზედ მარტივია, თუმცა ეს კერძის გემოზე მხოლოდ დადებითად თუ აისახება.
კარტოფილი ირლანდიური სამზარეულოს მთავარი ელემენტია. მე-17 საუკუნიდან მოყოლებული იგი აღნიშნული ქვეყნის სოფლის მეურნეობის საფუძველს წარმოადგენს. შვრია და ქერი ,ასევე, ძალიან პოპულარულია ირლანდიელთა შორის. ხორცს რაც შეეხება, აქ ყველაზე მეტად ბატკნისა და ღორის ხორცს აფასებენ.
რადგანაც ირლანდია ზღვითაა გარშემორტყმული, თევზეული და სხვა ზღვის პროდუქტებიც პოპულარობით სარგებლობენ. ირლანდიური ლანგუსტები და ხამანწკები მთელს მსოფლიოშია ცნობილი.
