ადამიანთა უმეტესობისთვის იტალიური სამზარეულო სპაგეტის, ლაზანიისა და პიცის კომბინაციაა. მინდა გითხრათ, რომ თუკი იტალიაში აღმოჩნდებით მისი კერძების მრავალფეროვნება სასიამოვნოდ გაგაოცებთ.

თვითონ მრავალფეროვნების მიზეზი კი ძალიან მარტივია. იტალიაში, ხომ, 19 რეგიონია, რომელთაგანაც თითოეულს საკუთარი სამზარეულო გააჩნია. ამასთან, იტალიური კერძები დროის სეზონებთან ერთად იცვლება. ზაფხულის კერძები ზამთრის კერძებისგან აქ არსებითად განსხვავდებიან. ასევე უნდა აღინიშნოს, რომ იტალიურ სამზარეულოში ინგრედიენტების ხარისხსა და სიახლეს ძალიან დიდ მნიშვნელობას ანიჭებენ.

ტრადიციული იტალიური მენიუ ხუთი ნაწილისგან შედგება. მთლიანი მენიუ ჩვეულებრივ მოიცავს  მადის აღმძვრელს, პირველ კერძს და მეორე კერძს გარნირით. არ არის აუცილებელი, რომ ყველა კერძი შეუკვეთოთ, თუმცა, როგორც წესი, ორ კერძს მაინც უკვეთავენ ხოლმე.