იაპონური სამზარეულო ერთ-ერთი ყველაზე დახვეწილია მთელს მსოფლიოში, თუმცა  რაფინირებული კერძების გარდა, იაპონური სამზარეულო წარმოუდგენელია ბრინჯისა და სხვა მარტივი კერძების გარეშეც. ტრადიციული იაპონური სამზარეულო ერთ-ერთი ყველაზე ჯანსაღია  და მისი ისეთი ნაირსახეობების წყალობით, როგორებიცაა მისუ, სუში, მწვანე ჩაი და სობა, ახლა მას მთელს მსოფლიოში იცნობენ.

ბრინჯი და მაკარონი იაპონური სამზარეულოს განუყოფელი ნაწილია. ცეცხლზე ან ორთქლზე მოხარშულ ბრინჯს, თითქმის, ყველა კერძთან ერთად მოგართმევენ.

უნიკალურ იაპონურ კერძთა შორისაა სუში ( უმი ზღვის პროდუქტები ბრინჯთან ერთად) და საშიმი (უმი ზღვის პროდუქტები სოიოს სოუსთან ერთად) .

საკე – იაპონური ბრინჯის  ღვინო, (16% ალკოჰოლი) მოხარშული ბრინჯის, წყლისა და ალაოსაგან მზადდება. სხვა იაპონურ სასმელებს შორისაა ”უმე” - ალკოჰოლური სასმელი, რომელიც იაპონური ქლიავისაგან მზადდება და ”შოჩუ” - დისტილირებული სასმელი, რომელიც ტკბილი კარტოფილის, ბრინჯისა და შაქრის ლერწმისაგან მზადდება.

ცნობილია, რომ იაპონელები საკვებში მხოლოდ ნარჩევ და ახალ პროდუქტებს იყენებენ და კერძებს მხოლოდ იმ დღით ნაყიდი სურსათისაგან ამზადებენ. იაპონელები, ასევე, ცნობილები არიან თავიანთი ესთეტიური გემოვნებით, რაც კერძის გაფორმებაშიც ვლინდება. აღსანიშნავია ისიც, რომ იაპონელი ერი გამოირჩევა სიცოცხლის ხანგრძლივობით, რადგან ჯანსაღი კვების გამო გულის დაავადებათა სიხშირე ძალიან დაბალია.