მსოფლიოში არც თუ ისე ბევრი ერია, რომელსაც შეუძლია დაიკვეხნოს, რომ მისი ეროვნული კერძები საერთაშორისო ფენომენად იქცა. იტალიას გააჩნია ასეთები. ესენია: პასტა და რა თქმა უნდა, პიცა.
ვარაუდობენ, რომ ტერმინი ”პიცა” ლათინური სიტყვა ”პინსასაგან” წარმოიშვა, რაც ქართულად შეგვიძლია ვთარგმნოთ, როგორც ”ლავაში” (თუმცა, ამ სიტყვასთან დაკავშირებით უამრავი კამათი მიმდინარეობს). ლეგენდის მიხედვით, რომანელ ჯარისკაცებს პალესტინის ოკუპაციის პერიოდში მოეწონათ ებრაული მაცას გემო და სახლში დაბრუნებისას მსგავსი საკვები შექმნეს.
პოპულარული პიცა მარგარიტა იტალიის დედოფალ მარგარიტას სახელს ატარებს, რომელიც 1889 წელს ნეაპოლის ერთ-ერთ პიცერიას ესტუმრა. პიცის მცხობელმა, რაფაელე ესპოსიტომ დედოფლისათვის სპეციალურად შექმნა პიცა, რომელიც იტალიის ახალი დროშის სამ ფერს მოიცავდა. წითელი პომიდორი, თეთრი მოცარელა და მწვანე ბაზილიკა მთელს მსოფლიოში ჰიტად იქცა.