სავიზო ინფორმაცია უცხო ქვეყნის მოქალაქეებისათვის

"უცხოელთა სამართლებრივი მდგომარეობის შესახებ" საქართველოს კანონის ძალაში შესვლასთან დაკავშირებით, 2006 წლის 1 ივლისიდან საქართველოს საგარეო საქმეთა სამინისტროში ორდინალური ვიზების გაცემა და მათი მოქმედების ვადის გაგრძელება აღარ ხორციელდება.
ორდინალური ვიზის მფლობელმა განსაზღვრულ ვადაზე მეტი ხნით საქართველოს ტერიტორიაზე დარჩენის შემთხვევაში, კანონიერად ყოფნის ვადის ამოწურვამდე უნდა მიმართოს საქართველოს იუსტიციის სამინისტროს სამოქალაქო რეესტრის სააგენტოს ვაკისა და საბურთალოს რაიონულ სამსახურებს, დროებითი ან მუდმივი ბინადრობის ნებართვის მისაღებად.
მისამართი: ბუდაპეშტის ქ. 2; ირაკლი აბაშიძის ქ. 68; წერეთლის გამზირი 67

საქართველოში შემოსასვლელად და 360 დღემდე ყოფნისათვის ვიზა არ ესაჭიროებათ შემდეგი ქვეყნების მოქალაქეებს:
ა) ევროკავშირის წევრი სახელმწიფოების; დიდი ბრიტანეთისა და ჩრდილოეთ ირლანდიის გაერთიანებული სამეფოს საზღვარგარეთის ტერიტორიების - ბერმუდის კუნძულების, კაიმანის კუნძულების, ბრიტანეთის ვირჯინის კუნძულების, ფოლკლენდის კუნძულების, ტერკსის და კაიკოსის კუნძულების, გიბრალტარის; დიდი ბრიტანეთისა და ჩრდილოეთ ირლანდიის გაერთიანებული სამეფოს დამოკიდებული ტერიტორიების - ჯერზის, გერნზის, კუნძულ მენის; დანიის სამეფოს შემდეგი ტერიტორიების - ფარერის კუნძულების და გრენლანდიის; ნიდერლანდის სამეფოს შემდეგი ტერიტორიების - არუბის და ნიდერლანდის ანტილის კუნძულების; საფრანგეთის რესპუბლიკის შემდეგი ტერიტორიების - საფრანგეთის პოლინეზიის და ახალი კალედონიის; ბ) ამერიკის შეერთებული შტატების;
გ) კანადის; დ) იაპონიის; ე) შვეიცარიის კონფედერაციის; ვ) ლიხტენშტაინის სამთავროს; ზ) ნორვეგიის სამეფოს; თ) ისრაელის სახელმწიფოს; ი) წმინდა საყდრის (ვატიკანის); კ) ანდორის სამთავროს; ლ) სან-მარინოს რესპუბლიკის; მ) ისლანდიის რესპუბლიკის; ნ) არაბთა გაერთიანებული საამიროების; ო) ქუვეითის სახელმწიფოს; პ) კორეის რესპუბლიკის; ჟ) კატარის სახელმწიფოს; რ) ბაჰრეინის სამეფოს; ს) ომანის სასულთნოს; ტ) ბრუნეი-დარუსალამის სახელმწიფოს; უ) სინგაპურის რესპუბლიკის; ფ) ავსტრალიის თანამეგობრობის; ქ) მონაკოს სამთავროს; ღ) ახალი ზელანდიის; ყ) ბაჰამის კუნძულების თანამეგობრობის; შ) ბარბადოსის; ჩ) ანტიგუა და ბარბუდის; ც) ტრინიდადის და ტობაგოს რესპუბლიკის; ძ) სეიშელის კუნძულების რესპუბლიკის; წ) ბოტსვანის რესპუბლიკის; ჭ) ხორვატიის რესპუბლიკის; ხ) ჩილეს რესპუბლიკის; ჯ) სენტ-კიტსის და ნევისის ფედერაციის; ჰ) არგენტინის რესპუბლიკის; ჰ1) მალაიზიის ფედერაციის; ჰ2) მექსიკის შეერთებული შტატების; ჰ3) აღმოსავლეთი რესპუბლიკა ურუგვაის; ჰ4) მავრიკის რესპუბლიკის; ჰ5) პანამის რესპუბლიკის; ჰ6) კოსტა-რიკის რესპუბლიკის; ჰ7) სამხრეთ აფრიკის რესპუბლიკის; ჰ8) ბრაზილიის ფედერაციული რესპუბლიკის; ჰ9) ტაილანდის სამეფოს; ჰ10) ბელიზის;
ჰ11) საუდის არაბეთის სამეფოს.

სავიზო მოსაკრებელი
მრავალჯერადი ორდინალური ვიზა 360 დღით - 50 აშშ დოლარი;
მრავალჯერადი ორდინალური ვიზა 5 წლამდე - 200 აშშ დოლარი;
მრავალჯერადი ორდინალური ვიზა 10 წლამდე - 400 აშშ დოლარი;
მრავალჯერადი ორდინალური ვიზა 15 წლამდე - 600 აშშ დოლარი;
ერთჯერადი ორდინალური ვიზა სატრანზიტო გავლის უფლებით 5 აშშ დოლარი;
ორჯერადი ორდინალური ვიზა სატრანზიტო გავლის უფლებით 10 აშშ დოლარი;
მრავალჯერადი ორდინალური ვიზა სატრანზიტო გავლის უფლებით 30 აშშ დოლარი;
ვიზის გადატანა ახალ პასპორტში დაკარგული ან ვადაგასული პასპორტიდან 5 აშშ დოლარი;

საქართველოს სახელმწიფო სასაზღვრო-გამტარ პუნქტებში საქართველოს ორდინალური ვიზის გაცემისათვის სახელმწიფო ბაჟი გადაიხდება შემდეგი ოდენობით:
მრავალჯერადი ორდინალური ვიზის 360 დღით გაცემისათვის - 100 ლარი
სატრანზიტო გავლის უფლებით ერთჯერადი ორდინალური ვიზის გაცემისათვის - 10 ლარი
სატრანზიტო გავლის უფლებით ორჯერადი ორდინალური ვიზის გაცემისათვის - 20 ლარი

დამატებითი ინფორმაციისთვის ეწვიეთ საგარეო საქმეთა სამინისტროს ვებ–გვერდს: www.mfa.gov.ge